२० औँ बान्तावा राष्ट्रिय कविता महोत्सव २०८१ घोडेटार, हतुवागढी, भोजपुर । २०८१ मंसिर २३ र २४ ।
महोत्सवमा टेम्केमइयुङ– १, तिम्मा, भोजपुरका कवि डिकपाल राई उत्कृष्ट १० मा पर्नुभएको थियो । प्रस्तुत छ उहाँको कविता र वाचन प्रस्तुति :
बाखा
डिकपाल राइ
हउ फान्टाचि
ओ लाम बिमाका
ओ बाखा नोप्माका
आन बाखा ङे ढोक्मालि
सुन्तुम्चि मित्माका
आन बाखा बोक्माका
हान साया चोक्मालि ।
ओ किरावा टेनदा
सुन्तुम्चि ओन रहे लिसावो ने
आन टेनदा
मलामि खात्माओ मÞनाचि छे मान्नÞङवो ने
आम बुङ्वाखादा चÞङ्खेवाचि बाराचिया
चासुम दोत्माउ माङ भकारिचि हुलाचिया ।
हान्लो साङ छे निहाङ्होन खात्मा नुनिन
चासुम खोरिया हिप्मालि
साकेवा सिलि मुसा–मुसा
सायालुङ्दा साया दोत्मालि
झाराक फान्टाचिआ टेन छिट नालो...
किरावा अÞङ्कान बाखाउ हाङ
दोलोकोन्मादोदो साङा एन ?
साकेवा सिलिदा साङ लाक लु ?
मुन्दुमि रिसिया साङा सेन ?
बुढेसकाला लिसिनदेङ लो
बालेसि छे खात्मा रुइमिन रछ
रुइमिनदेङ लो खेताला बुत्निन रछ
अÞङ्कोदा छे बान्निन रछ
पर्देशीउ लाम खाङ्सा–खाङ्सा
सुन्तुम खिमचि होत्याङ्सा
खिम मिवाउ लुङ्चि ङे पाक्ताका
एप्माला खिमचि मुयाङ्सा
साङ्आ वाबुक वासु
साङ्आ युछुबुङ बाट्टु ?
माङ्सिरेदा केन्छारुवा साङ्आ वापोट ढाट्टु ?
आइमित आन्काउ टेन उसाका ङे लेयाङ्सा
सुन्तुम्चि साम्खा लिसाचिया
बाखाआ फान्टाचि हुङ्याङ्सा
दि खात्मा अÞङ्कान सुमाका
सुङ्काछुप बाखा चाखाचि
ओ बाखा आन्काउ हेन्खामा
एप्माखिम मुमा चाखालि ।
............
टेम्केमइयुङ– १, तिम्मा, भोजपुर
.............
