धरान, जेठ १० । रानी आँखा अस्पताल विराटनगरले धरानका विभिन्न स्थानमा निशुल्क आँखा शिविर सन्चालन गर्दै आएको छ । यसै क्रममा शनिबार अस्पतालले धरान उपमहानगरपालिका वडा नं. ८ मा शिविर सम्पन्न गरेको छ ।
धरान वडा नं. ८ को व्यवस्थापनमा शिविर सम्पन्न भएको हो । शिविरमा जम्मा १७९ जनाले आँखा तथा कानको जाँच गरेका थिए । जसमा १८ जनामा मोतियाबिन्दु र ३ जनामा उनत (आँखामा मासु पलाउने रोग) देखिएको डा. नरेन्द्र यादवले बताउनुभयो ।
शिविरमा १४ वर्षदेखि ९० वर्षसम्मका स्थानिय वासिन्दाहरुले निशुल्क सेवा लिएका थिए ।
शिविरमा डा. यादव सहित डा. सिवानी कर्णको टिम खटिएको थियो ।
रानी अस्पतालले शल्यक्रिया गर्नु पर्ने बिरामीलाई ५०% सम्म छुटको ब्यवस्था गरेको छ ।
आफ्नो वडावासीलाई निशुल्क स्वास्थ्य सेवा प्रदान गरेकोमा रानी आँखा अस्पताल बिरातनगरलाई वडाकार्यालय र वडावासीको तर्फबाट धरान ८ का वडा अध्यक्ष धनबहादुर राई र वडा सदस्य देबी लामाले कृतज्ञता व्यक्त गर्नुभयो ।
............
