धरान, असार १४ । रानी आँखा अस्पताल विराटनगरको प्राविधिक सहयोगमा धरान १५ मा निःशुल्क आँखा शिविर सम्पन्न भएको छ ।
धरान १५ स्थित दशरथ टोल बिकास संस्थाको आयोजनामा उक्त एक दिवसिय निःशुल्क शिविर सम्पन्न भएको हो । सो अवसरमा स्थानियवासीहरुको आँखा तथा कानको जाँच गरिएको थियो । शिविरमा जम्मा १५० जना टोलबासीहरुको आँखा तथा कानको जाँच गरिएको थियो । जसमा २ जनामा आँखामा मासु पलाउने रोग (पिजीटी) देखिएको थियो । उनीहरुमध्ये १२ जनामा मोतिया बिन्दु देखिएको डा जितेन्द्र यादवले बताउनुभयो । डा जितेन्द्र यादव र डा रेजिना चौधरीको टोलीले स्थानियवासीको जाँच गर्नुभएको थियो ।
सल्यक्रिया गर्नुपर्ने विरामीहरुलाई सल्यक्रियामा ५० प्रतिशत छुट दिइने रानी आँखा अस्पताल विराटनगरले जनाएको छ । शिविर उद्घाटनका अवसरमा प्रमुख अतिथी धरान वडा नं. १५ का अध्यक्ष नरेश इवारमले अस्पताललाई हार्दिक धन्यवाद दिनुभएको थियो । स्थानियवासीको निःशुल्क सेवाका लागि शिविर आयोजना गर्ने दशरथ टोल विकास संस्थालाई समेत उहाँले धन्यवाद ज्ञापन गर्नुभयो ।
दशरथ टोल विकास संस्थाका अध्यक्ष सन्तोष खतिवडाले रानी आँखा अस्पताल विराटनगर र सहयोग गर्ने सबैलाई संस्थाको तर्फबाट धन्यवाद व्यक्त गर्नुभयो ।
........
