धरान, माघ २१ । हिविस्कस इङिलस वोर्डिङ स्कुल धरान–१५ अन्तर्गत हिविस्कस बाल क्लवले सरस्वती पूजाका अवसरमा सोमबार अन्तर विद्यालय स्तरीय लोकनृत्य प्रतियोगीता सम्पन्न गरेको छ ।
प्रतियोगितामा सिद्धार्थ शिशुसदन स्कुलकी सुवासना श्रेष्ठ प्रथम घोषित भईन् भने लिवर्टी रेसिडेन्सियल वोर्डिङ स्कुलकी टिका मगर दोस्रो घोषित भईन् ।
त्यसैगरी जेनिथ वोर्डिङ स्कुलकी प्रिन्सा मगर तेस्रो र धरान स्कोलर एकेडेमीकी इक्सा लिम्वु सान्त्वना घोषित भईन् ।
विजेता श्रेष्ठले ४ हजार रुपैया नगद, ट्रफि, मेडल र प्रमाण–पत्र हात पारेकी थिइन् भने दोस्रो टिका मगरले ३ हजार रुपैया नगद, ट्रफि, मेडल र प्रमाण–पत्र हात पारेकी थिइन् ।
प्रतियोगितामा जेनिथकी प्रिन्सा मगरले नगद २ हजार रुपैया, ट्रफि, मेडल र प्रमाण–पत्र हात पार्न सफल वनेकी थिइन् । प्रतियोगिताको निर्णायकहरुमा सरस्वती योगी र मणि लिम्वु रहनुभएको थियो ।
प्रतियोगितामा धरानभरीका ९ वटा स्कुलका ११ जना विद्यार्थीहरुले सहभागीता जनाएका थिए ।
विजेताहरुलाई कार्यक्रमका प्रमुख अतिथिद्धय धरान वडा नं. १५ का सदस्य वादल भट्टराई र एन प्याव्सन धरानका अध्यक्ष भगत लिम्वुले संयुक्त रुपमा पुरस्कार वितरण गर्नुभएको थियो ।
सरस्वती पूजाका अवसरमा पूजा अर्चना मात्र नभएर विद्यार्थीहरुको प्रतिभालाई उजागर गर्नको लागि नृत्य प्रतियोगिताको आयोजना गरिएको हिविस्कस स्कुलका निर्देशक गंगाराम राईले वताउनुभयो । विद्यार्थीहरु भित्र रहेको आन्तरिक तथा सिर्जनात्मक कलालाई प्रष्फुटन गर्ने अवसर प्रदान गर्नका लागि प्रतियोगीता आयोजना गरिएको उहाँले जानकारी दिनुभयो ।
कार्यक्रममा विशेष अतिथि नेपाल पत्रकार महासंघ सुनसरीका अध्यक्ष सन्तोष काफ्ले, क्रियटिभ स्कुल सर्कल धरानका सचिव पृथ्वी राइका मगर लगायतले शुभकामना व्यक्त गर्नुभएको थियो ।
..................
