सिक्किमबाट सुशीला राईको सहयोगमा
धरान, कात्र्तिक ३० गते । सिक्किम भारत निवासी नेपाली भाषी कवि अर्जुन राईको नेपाली भाषाका कविताहरुको सङ्ग्रह ‘शर्तमा कोरिएका हरफहरु’ को शनिबार सिक्किममा विमोचन गरिएको छ ।
प्राज्ञ एवं वरिष्ठ साहित्यकार सरूभक्तको सभाध्यक्षता आयोजित कार्यक्रममा सिक्किमका मुख्यमन्त्री प्रेमसिंह तामाङ गोले प्रमुख अतिथिका रुपमा उपस्थित हुनुहुन्थ्यो । सिक्किमको गान्तोक स्थित मनन् भवनमा आयोजित कार्यक्रम सिक्किमस्थित परि प्रकाशनले आफ्नो पाँचौ वार्षिकोत्सवका अवसरमा आयोजना गरेको थियो ।
कार्यक्रममा सिक्किम, दार्जिलिङ र कालिम्पोङका वरिष्ठ साहित्यकारहरुको उपस्थिती थियो । सभाध्यक्ष, प्रमुख अतिथि र अन्य अतिथिहरुले कृतिको संयुक्त रुपमा विमोचन गर्नुभएको थियो ।
सङ्ग्रहको प्रकाशन सिक्किमस्थित जनपक्ष प्रकाशनले गरेको हो भने वरिष्ठ साहित्यकार एवं पत्रकार अर्जुन पियुषले सम्पादन गर्नुभएको हो । कृतिमा प्रसिद्ध कवि बिरू बाङ्देलले भूमिका लेख्नुभएको छ भने चर्चित कवि श्रवण मुकारूङ, वरिष्ठ कवि प्रा.डा.राजेन्द्र भण्डारी, वरिष्ठ साहित्यकार एवं पत्रकार अर्जुन पियुषले शुभकामना व्यक्त गर्नुभएको छ ।
कविको यो दोस्रो कृति हो । .....
