धरान, चैत्र ७ । धरानमा पहिलो पटक रात्रिकालिन फुटबल आयोजना गरिएको छ ।
गोधुली गोल्डकपको २५ औँ संस्करण धरान रंगशालामा रात्रिकालिन फुटबलका रुपमा सुरु भएको छ । गोल्डकपको पहिलो दिन फ्लट लाइटले रोमाञ्चक अनुभूति गराएको खेल मैदानमा आतिशबाजी सहित खेलको उद्घाटन गरिएको थियो । सो अवसरमा धरानका गायक पुर्ण राई लगायतको प्रस्तुतिले थप रौनक थपेको थियो । उद्घाटनका अवसरमा धरान उपमहानगरपालिका वडा नं. १७ अध्यक्ष मनोज भट्टराई, कोशी प्रदेश फुटबल संघका अध्यक्ष किशोर राई लगायतले शुभकामना दिनुभएको थियो । रात्रीकालिन भएपनि दर्शकहरुको राम्रो उपस्थिती थियो ।
उद्घाटन खेलमा धरान वडा नं. ५ २–१ ले विजयी भयो । उसले वडा नं. १६ लाई पराजित गरेको थियो । विजयी टिमका तर्फबाट सुरज इङ्नाम र तिलविक्रम लावतीले गोल गरे । वडा नं. १६ का तर्फबाट सलोन श्रेष्ठले एकमात्र गोल गरे । खेलको म्यान अफ द म्याच तिलविक्रम लावती घोषित भए । उनले नगद रु.१५०० र ट्रफि प्राप्त गरे ।
................
